أبنائنا آمانة الجزء الثالث

السلام عليكم

أبدا ماكنت متوقعة أنو الموضوع بياخذ مني أكثر من جزئين.

بس الصحة مهمة جدا وصعبة أنو نوصل لها بكلمتين.

هذا الجزء موجه للناس اللي تبي تعيش طول عمرها بصحة وعافية ، للناس اللي ماتبي تحتاج حق أحد نهائيا وحاجتها كلها لله سبحانه وتعالى فقط .

فإذا كنت تبحث عن صحة جسمك أو صحة جسم ابنائك ومستعد للتغير، فالكلام موجه لك وحدك 😍

طبعا مافي شي سهل وبسيط ، بس مع الصبر والتخطيط والتفاهم وشوية وقت

كل شيء بيضبط إن شاء الله

أولا و أخيرا حاولوا تقاطعون ولو تدريجيا المنتجات التالية:

اللحم + الدجاج + البيض + الحليب + اللبن + الجبن + القشطة + اللبنة +الزبدة + السمنة + العسل

وكتبت عن أهم البدائل المتوفرة و أفضل حسابات الطبخ سابقًا ٠٠ اضغط هنا٠٠

وحسابي الانستجرام مليان دلائل وخصوصا من الناحية الصحية

انا مختصرة حساب نجلاء اللي اعتبرها المرجع لي يعطيها العافية

واذا كنت تعرفين تقرين انجيليزي فالمراجع مليانه لدكاترة متفرغين للبحوث عشان يقولون لنا أنو الفيجن أفضل غذاء ودواء ، وأنا حاليا أتابع هذا الموقع ٠٠ اضغط هنا٠٠

وفي أفلام وثائقية تختصر عليك الوقت والجهد واقنعت ناس واجد حول العالم مترجمة وموجودة على نتفليكس وعلى الجوجل وعلى اليوتيوب مثل

وغيرها أفلام كثييير ٠٠ اضغط هنا٠٠

طبعا الناس تصير فيجن لأسباب كثير: ممكن عشان يحسنون صحتهم وجودة حياتهم ، أو عشان قضية الرأفة بالحيوان ، أو بسبب الاحتباس الحراري وغيرها من الأسباب.

بس أحب أذكركم أنو بتشوفون ناس واجد بهالفلمين تعافوا من أمراضهم وبطلوا أكياس الأدوية اللي كانت معهم طول عمرهم.

شفت فيديو بحساب نجلاء انو وحدة تعافت من الإكتئاب وبطلت تاخذ الأدوية والمسكنات ، يعني حتى الإكتئاب تعافوا منه بالأكل السليم الفيجن تخيلتوا.

ها .. وش رايكم بكلامه .. صحيح ولا مو صحيح؟

هذي الصورة اهديها لكل وحدة تقول : السكري منتشر بعايلتنا ، ولا السرطان موجود بعيلتنا ومن زمان، ولا كلنا عندنا مشاكل بالغدة الدرقية ولا الجارات الدرقية ، وكلنا عندنا خشونة مفاصل ولا هشاشة ولاروماتيز و ..........الخ

طيب مو كلكم تقعدون على نفس السفرة وتاكلون نفس الأكل ( الحيوانات ) فطبيعي ينتشر بينكم نفس المرض صح ولا؟

وعارفة السؤال اللي يتكرر داااااايم .. الحلال والحرام// بحط صورة لوحدة سألتني وجاوبتها

ملاحظة: كل الكلام في الجزء الثاني و الثالث مستحيل تسمعينه من الدكاترة أو الاستشاريين أو أخصائين التغذية وغيرهم في المجال الصحي ؛ لأنهم أصلا مايعرفوه ومحد علمهم اياه بالجامعة ، فلا تستغرب لما أحد منهم يعارض كلامي وبشدة لأن مالهم إلى أن ينكروا كل مايجهلوه

أشوفكم بالجزء الرابع والأخير