أبنائنا آمانة الجزء الثاني

السلام عليكم..

في الجزء الأول تكلمنا عن الأشياء اللي كل الشعب متفق أنها مضرة.

أما الآن في الجزء الثاني يمكن الكلام يكون غريب و صادم للكثيرين.

موضوعي هذا للناس اللي مو عاجبها اللي قاعد يصير ، للناس اللي ملاحظة أنو الصحة كل مالها في تردي و الأمراض كل مالها تشتد و الأدوية تزيد ، والمستشفيات مزدحمة ومحد قاعد يتحسن ، صارت المستشفى حالها حال المقبرة بس محد يبي يقولها بصوت عالي.

المهم اللي عاجبته صحته و مبسوط لا يكمل قراءه ، لأن الموضوع للناس اللي تفكر وعندها تساؤلات وتبحث عن إجابة.

المهم، بعد ماكتبت ماوضوع أبنائنا آمانة الجزء الأول ، صعب علي إني أكمل الموضوع وأفصل الأطفال عن البالغين ، لأن سفرتنا وحدة و أمراض البالغين قاعدة تنتظر الأطفال، وهي نفس الدائرة تدور على كل أفراد العائلة ولايوجد دواء حقيقي يشفي علتهم. فالكلام موحد للكل الصغير والكبير.

أول شيء: هل إنت ملاحظ أنو كل جيل جديد يجي صحته أضعف من الجيل اللي قبله.

المناعة كل مالها تضعف و الأمراض تكثر و الأدوية تزيد ، معظم الأمراض غريبة وجديدة علينا وماكانت منتشرة بهالكثرة من قبل ، والأسباب غير معروفة ، أو يعلقون السبب على الجينات والوراثة 🤨.

ومع أنو الكل ملاحظ هالمشكلة بس مالها حل واضح إلى الآن ، كل الحلول مؤقتة ، وكل مالها أعداد المرضى تزيد وأعداد الأصحاء تقل.

فالواحد صار متوقع أنه لما يقرب من عمر الخمسين بيعيش مع كيس الأدوية ماتبقى من عمره ، أو صار هذا الشيء طبيعي جدا ومألوف للأغلب ، وهذا بحد ذاته مشكلة.

وبالرغم من كل جهود وزارة الصحة و التوعية صارت بكل مكان وزمان ، إلى أن النسب كل مالها بازدياد.

طيب، هل سمعت عن النظام الغذائي القائم على النبات؟ أو الفيجن؟

هل تعرف أنو الأطفال النباتيين الفيجن صحتهم أفضل من بقية الأطفال؟

و هل تعرف أنو حتى الكبار النباتيين الفيجن صحتهم أفضل ومايعانون من السكر و الضغط ومشاكل الخصوبة و إلتهاب المفاصل والشرايين وغيره من الأمراض؟

وهل تعرف أنو حليب البقر مايقوي العظم بل يسبب هشاشة؟

أول شيء لازم نتفق عليه الآن أنو كل اللي تعلمناه بالمدرسة + بكلية الطب والمستشفيات + دعايات التلفزيون والسوشيال ميديا غلط بغلط وكلام يدر فلوس لشركات الغذاء والدواء بالهبل واحنا المتظررين الوحيدين .

وإذا بنسمع كلام الدكتور وغيره فهذا يعني أنو طفلك و أنت صحتكم بتظل زي ماهي ويمكن تسوء بس ماراح تتحسن ليه؟

لأن التغذية هي المفتاح .. هي سبب المشكلة والحل بنفس الوقت.

الدكتور بيعطيك دواء يخفف من أعراض المرض بس عمره ماراح يشفي ، وتكدس المرضى بالمستشفيات هو أكبر دليل على كلامي.

المهم وباختصار شديد:

الدم بجسم الإنسان يمكن يكون حامضي أو قلوي ، و الحالة الطبيعيه للدم أنه يكون قلوي عشان يقدر يقوم بكال الوظائف المسؤول عنها..

⚫️الدم الحمضي هو أفضل بيئة لكل الأمراض اللي ممكن تجي على بالك: هشاشة عظام- سكر- خربطة هرمونات- إلتهاب مفاصل وشرايين- السرطان بأنواعه- وغيرهم الكثيييير

⚫️الدم القلوي هو أفضل بيئه للشفاء ومن أعتى الأمراض بإذن الله.. هي البيئة اللي تصير فيها العظام أقوى والعضلات أفضل وغيره

طيب أحب أقول لكم الحين إنو البروتين الحيواني أو اللحم + الدجاج + البيض + الحليب + اللبن + الجبن + القشطة + اللبنة +الزبدة + السمنة + العسل يخلون الدم حمضي ، حتى لو أكلت طبق واحد من هذي المأكولات فقط بيصير دمك ودم ابنك او بنتك حامضي >> وطبعا هذا شيء بعيد عن حالة التوازن اللي لازم أجسامنا تكون عليها>> بعدين الدم يسحب الكالسيوم من العظام لأنه مادة قلوية عشان ...>> يرجع الدم قلوي وبكذا يكون وصل لحالة التوازن بس العظام صارت أضعف وأهش من قبل.

وهكذا ٠٠ هذه الدورة المستمر تبدأ عند كل وجبة ناكلها متخيلين !! وماتوقف إلا عند الناس الفيجن، ليه؟ لأنهم مايكلون حيوانات أو أي منتجات حيوانية أبد ، فدمهم مايصير حمضي أبدا ، و الدم عندهم قلوي طول السنة وطول حياتهم فعظامهم أقوى وصحتهم أفضل من غيرهم .

أشوفكم بالجزء الثالث