أبنائنا أمانة الجزء الأول

السلام عليكم

الموضوع حساس جدا فركزوا معاي بلييز

أول شيء لازم نتفق عليه أنو أبنائنا وبناتنا أمانة ، ومحد راح ينتبه لهم أو يفكر بمصلحتهم أكثر من الأم والأب.

ثاني شيء: شركات المأكولات و المشروبات والمطاعم وأي قطاع يشتغل بالأكل همهم الوحيد هو (الفلوس) الفلوس وفقط ، كيف يجذب الناس ، كيف يخليهم يدمنون منتجاته ، كيف يجيب نكهات مميزة محد سبقه لها ...وهكذا ، التنافس موجود وهذا رزقهم ، وشغالين تسويق حتى لو كذب.

ثالثا: المشكلة فين؟ المشكلة موجودة بمكونات هذه المأكولات والمشروبات اللي قاعدين ناكلها احنا وأطفالنا يوميا ومن غير تفكير حتى.

رابعا: أيش أقصد أنا بالضبط؟

أقصد الأكل اللي كلنا متفقين عليه أنه ضار مثل// المشروبات الغازية كلها + ومشروبات الطاقة كلها + مطاعم الوجبات السريعة كلهم ومن غير إستثناء سواء غالية السعر أو رخيصة السعر + معظم الحلويات والشيبسات اللي كلها سكر و ألوان اصطناعية وزيوت مهدرجة و أحادي جلومات الصوديوم.

فأرجوكم جميعا إنو توقفون شراء هذي المنتجات و تمنعونها من دخول بيتكم

خصوصا إذا كنتوا شايفينها كنوع من الرفاهية أو انكم تدلعون أبنائكم وبناتكم وماترفضون لهم طلب.

أنا عارفة أنو الموضوع صعب جدا بالبداية بس لأن كل هذا الأكل يضر وماينفع والضرر يبان ويطلع سواءا على المدى البعيد أو القريب ، حتى لو المشكلة بسيطة مثل الوزن الزائد المفروض مانتهاون فيها لأنها بتكبر مع الوقت وبتأثر على المفاصل والركب والظهر و....الخ

فلازم نعمل كنترول بأقرب وقت ممكن وكل شيء يجي بالتفاهم و الإتفاق ومع توفير البدائل الصحية مثل// العصيرات الطازجة المحضرة بالبيت (ولا أسهل حطي موزة وحليب جوز هند وملعقة كاكاو بودرة ومكعبات ثلج وياسلام ، ألذ و أصح من ١٠٠ بيبسي وكولا ) هذا مجرد مثال ولا الوصفات مليانة +

الشيبسات الصحية (مافيها ألوان و نكهات اصطناعية ولا زيوت مهدرجة ولا أحادي جلومات الصوديوم) + الحلويات الصحية (مافيها ألوان و نكهات اصطناعية ولا مكتوب عليها تسبب فرط حركة😳)

ولانكثر منها بعد ، مرة بالأسبوع تكفي.

وبدال مطاعم الوجبات السريعة روحوا أي مطعم غيرهم جربوا أشياء جديدة ، وش فيه الفول والقلابة والتميس 😂 والله إنها أصح من ١٠٠ برجر مع بطاطس وأوفر برضوا🤑.

التكملة بالجزء الثاني