ماذا بعد الفيجن؟

السلام عليكم

سؤال مهم : ماذا بعد الفيجن؟

يعني بعد ماصرت فيجن و انتظمت وصار نظام حياتك الطبيعي،، ايش الخطوة اللي بعدها؟

جاوب على هالسؤال بنفسك قبل ماتشوف أجوبتي..

الجواب باختصار:

١- الرياضة

٢- حماية البيئة والحيوان

٣- دعم المنتجات المستدامة و الغير استهلاكية

الجواب بالتفصيل:

١- الرياضة/

الحركة مهمة جدا للجسم والكسل عدو له ، والحين مافي عذر ؛ النوادي الرياضية انتشرت للرجال والنساء و اليوتيوب مليان والتطبيقات كثيرة المجانية والمدفوعة.

٢- حماية البيئة والحيوان/

لأن ماعندنا كوكب ثاني احتياطي لوقت الحاجة فلازم نحمي الأرض من التلوث وغيرها من المشاكل الكثيرة.

حماية الحيوان هذي قضية أخرى بحد ذاتها ولكن إذا الحيوان أخذ حقوقه أولا فأكيد الإنسان راح ياخذها وماراح نشوف العنف و الحروب والدمار بهالشكل ، فقط إذا انتشرت الرأفة بالحيوان اللي يوصينا عليها الدين الحنيف

٣- دعم المنتجات المستدامة و الغير استهلاكية

احسب معاي: من ينولد الطفل إلى أن يشيب ويموت ، كم يرمي من نفايات في البيئة؟ هل كلها تعاد تدويرها؟ هل كلها كان يحتاجها فعلا يوم شراها؟ ولا كان ممكن يلاقي بديل أرخص وأنظف و أفضل؟

كم عدد الناس المستهكلين؟ وكم عدد الناس المتضررين؟ وهل فعلا إحنا حاسين بالمسؤولية تجاه أرضنا وبيئتنا اللي راح نورثها للأجيال القادمة؟ ولا بس نفكر بأنفسنا بكل أنانية في ١٠ أو ٢٠ سنة قدام فقط؟

عموما المشكلة كبيرة بس الحلول متوفرة والحمدلله:

بدل ماتشتري منظفات كيميائية ( للبيت، للملابس، للجسم ، للمواعين....الخ) ماتعرف حتى اسم المكونات، في بدائل أنظف و أوفر ومن الطبيعة يعني تعتبر آمنة ، خصوصا إذا في أطفال في البيت أو أحد عنده ربو أو حساسية بالصدر.

وهذا الحساب ممتاز ومهم تطلع عليه و باللغة العربية

وهنا هشتاقات بتساعدكم واجد في مختلف المواضيع:

. 🌱 #نجلاء_كيف_اصبح_نباتي . . 🕋🕌 #نجلاء_النباتيه_الدين . . 🐏🔪 #نجلاء_نباتيه_اضاحي . . 👾 #فيغن_سرطان . . 👩🏻‍🔬🤢👨🏻‍🔬 #نجلاء_علماء . . 👨🏻 #نجلاء_النباتيه_الرجال . . 💀 #نجلاء_مجاعات . . 😞🤪🤯 #اللحوم_امراض_نفسيه . . ⁉️ #سؤال_نباتي . . 💉 #نجلاء_ب١٢ . . 🍩🍫🍰 #نجلاء_سكر . . 🌾 #نجلاء_صويا . . 🏋️‍♂️ #نجلاء_بروتين . . 🧀 #نجلاء_بدائل_نباتيه . . 👑💯✅ #نجلاء_تجارب_نباتيه . . 🤰🏻👶🏻 #نجلاء_اطفال . . 🐾💔 #نجلاء_كائنات . . 💪 #نجلاء_فيتامين . . 😇🙏🏻 #روحانيات_نباتيه . . 🥛🍼 #نجلاء_اضرارالحليب . . 🍗 #نجلاء_اضراراللحوم . . 🐓 #نجلاء_اضرارالدجاج . . 🥚🍳 #نجلاء_اضرارالبيض . . 🐟🦈 #نجلاء_اضرارالاسماك . . 🐝🍯 #نجلاء_اضرارالعسل . . 💃🏻 #نجلاء_مشاهير . . 📺 #نجلاء_اعلام . . 💡 #نجلاء_حقيقة_العالم . . ☄️🔥 #رحلة_ال٦٠_داهيه . . ❄️ #نجلاء_فطره