مياه الشرب والفلورايد

دراسة أمريكية عن تأثير الفلورايد

السلام عليكم ورحمة الله وبركاته

مياه الشرب والفلورايد موضوع مايخلص ، بس للإختصار أنصح تقرون كم صفحة من كتاب العلاجات المحظورة و إمبراطورية الطب الحديدية من صفحة ١٣٧ إلى ١٣٩.

وقبل فترة كنت أدور على موية شرب خالية تماما من الفلورايد ، ولقيت بعض العلامات التجارية وممكن تكون موجودة عندنا بالمملكة.

هذي أول شركة أثق فيها ؛ لأن مدحتها وحده بالانستجرام كانت مسوية كورس للتخلص من حبوب البشرة والكورس نتيجتة أفضل من الروكتان حسب التعليقات. للأسف عملت لها unfollow و ضيعت حسابها 😢.

مياه آفين ثقة وكاتبين النسب بموقعهم

وطبعا مياه فيجي الغنية عن التعريف

أغلبهم موجودين في كارفور أو السوبر ماركتات الكبيرة ، أفضل شيء تتصلون تتأكدون.

في شركة عجبتني أنها مسوية أحجام للبرادة ، بس مو كاتبين النسب بالضبط ، فمش متأكدة أنها خالية من الفلورايد ١٠٠٪ ولا لأ.

في اثنين نصحوني بمياه العين ، بس للأسف كان فيها نسبة فلورايد ، حتى لو قليل صوديوم مايفرق معاي ، مشكلتي مع الفلورايد.

هنا موقع فيه نسب الفلورايد لبعض الشركات المتداولة.

وهنا موقع ثاني فيه قائمة طولية جدا لشركات مياه معبئة خالية أو قليلة الفلورايد، يفضل التأكد قبل الشراء لأن الخالية أفضل أكيد.

في طرق تنقية للماء مثل: جهاز الأوزون - جرة الفخار - أشرطة تنقية الماء ، بس ماجربتهم صراحة.

طبعا الكتاب إلى الآن ماكملته لأنه يعور القلب والمخ، بس الله فوق يحمينا برحمته ونسأله الصحة والعافية جميعًا آميين، أهم شيء التسمية قبل أي شيء ناكله أو نشربه.